Igartzako Monumentu Multzoaren eskaintza adinaren eta taldeen beharretara egokitzen da. Hori dela eta, adin tarte guztietako bisita gidatuak antolatzen ditugu, haur hezkuntzatik batxilergora zuzenduta. Bestalde, euskaltegi, helduen eskola eta hezkuntza premia berezia duten pertsonentzako bisitak ere egiten ditugu.
Bisita hauek adin tarte ezberdinetara egokituta daude. Horregatik Lehen Hezkuntzako ikasleekin jolasak erabiltzen ditugu Monumentu Multzoaren historia ezagutzeko.

Bigarren Hezkuntzako eta Batxilergoko ikasleekin, berriz, Monumentu Mukltzoarekin lotutako unitate didaktikoak prestatu ditugu. Bertan Erdi Aroa eta Industrializazioa Igartzan eta inguruan lantzen dira. Honela, gertuko eredu erreal batez baliatuta, ikastetxean ikasitako kontzeptuak hobeto barneratzeko aukera eskaintzen zaie. Igartzako monumentu historikoei esker, garai ezberdinetako azpiegiturak zein teknologiak ikusteko, zuzenean, ezagutzeko aukera dutelarik.

Adierazi beharrekoa da, Web orrian aurkitu dezakezuen informazioaz gain, informazio zehatzagoa ematen duen PDF bat ere badugula. Eskatu lasai 943 087 798 telefonora deituta edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. e-mailera idatzita.