Maiatzaren lehenengo asteburuan ospatuko da Pirinioetako Burdinaren Bidearen eguna. Ibilbide honetan parte hartzen duten Gipuzkoako Ondare ezberdinek jarduera anitzak antolatuko dituzte.

Igartzaren kasuan, bertan dugun burdinolaren aztarnak ezagutuko ditugu eta berreraikitzen saiatuko gara gure irudimenaz baliatuz.

Bereziki familiei zuzenduriko jarduera honetan, haurrekin industrializazio aurreko burdinola baten egituraketa eta funtzionamenduaz gain, aztarnek ematen dizkiguten pistak jarraituz eraikina bera zein olagizonen lanbidea nolakoa izan zitekeen hausnartuko dugu eta orri batean irudikatuko dugu.