Ramón Cid Pardo (Donostia, 1954) jauzi hirukoitzeko diziplinan espezializatutako espainiar atleta ohia da. 2013 eta 2018 artean Espainiako Atletismo Federazioko (RFEA) zuzendari teknikoa izan zen.
Cid, atleta izan zen garaian, hirukoizlaria izan zen, eta ziurrenik, bere garaiko Espainiako onena (marka pertsonala: 16.71 m).

Olinpikoa izan zen Montreal 76an eta Mosku 80an, eta 13 aldiz Espainiako txapeldun absolutua. Euskal Herriko Unibertsitatean (EHU) ere irakasle izan zen.

2017-2018 denboraldiaren amaieran RFEAren zuzendaritza teknikoa utzi zuen.
Ordutik hona hainbat atleta entrenatu ditu, besteak beste, Irati Mitxelena.

Irati Mitxelena Balerdi (Donostia, 1998). Neurozientzian (Neurobiologia) graduatua, Psikologiako Minor batekin (2016-2020), Cincinnatiko Unibertsitatean (AEB); 2021ean Hizkuntzaren Neurozientzia Kognitiboko masterra amaitu zuen BCBLn.
Doktoratu aurreko ikertzailea izan da CICnanoGUNEn eta CICbioGUNEn, Nanobioteknologia-Biologia Sintetikoko Taldean (2022ko uztaila – 2022ko abendua), eta 2023tik aurrera CICbioGUNE Bilbon eta CICbiomaGUNE Donostian, Biologia Sintetikoko Taldea-Biomarkatzaile Molekular eta Funtzionalen Taldean.
Gaur egun, Biomedikuntzako doktoretza egiten ari da CICbioGUNEn.
Bere ikasketak eta lana atletismoko goi-mailako kirolarekin uztartzen ditu, nazioarteko lehiaketetan parte hartuz (Europako eta munduko txapelketak, Tokio 2025) luzera-jauziko espezialitatean, 6,70 m-ko marka pertsonalarekin.